NJE  KAMPING  EKOLOGJIK  NE  PORTO  PALERMO 

    Porto Palermo është shume tërheqës si një pike potenciale për turizëm dhe sporte ujore  e  nënujore , po ashtu mund të jene tepër tërheqës për turistet dhe mbetjet arkeologjike (amforat) të shekullit 2 P.e.s. që ndodhen nen ujë në ketë gji. Kjo  vihet  në  dukje  edhe  në  “Planin strategjik të zhvillimit të bregdetit të jugut “ .

   Nisur nga kjo strategji dhe nga përvoja e gjatë në turizmin nënujor në Shqipëri, z.Xhemal  Mato  krijoi  një shërbim për turizmin nënujor dhe ekologjik në Gjin e Palermos , nëpërmjet instalimit të një  kampingu  me  kabina prej druri . Instalimi, apo struktura e njësisë se kabinave  përbëhet nga kabina (bungalow) , tërësisht prej druri, si çatia dhe dyshemeja, të cilat montohen dhe çmontohen direkt në terren dhe nuk kanë kërkuar punime betoni apo ndryshime të pa rikthyeshme të mjedisit natyror. Në krijimin e këtij kompleksi janë përdorur gurët dhe gjelbërimi rrethanor i vetë mjedisit , duke e ruajtur dhe përmirësuar atë.

    Janë gjithsej 10 kabina të tilla prej druri për akomodimin e turistëve natyrorë dhe nënujorë si dhe një kabinë e veçantë që shërben  si stacion për pajisjet sportive si sërf, kostume zhytjeje, bombola, kompresor dhe materiale trajnuese.

   Energjinë elektrike për ndriçim  dhe  për  ujin  e  ngrohtë , kompleksi prej 10 kabinash , e siguron nëpërmjet paneleve fotovoltaike diellore. Jane 60 llamba tip led që realizojnë gjatë natës ndriçimin e mjediseve të brendëshme të bungalow si dhe mjediseve përreth tyre (rrugica dhe sheshe), të gjitha të ushqyera nga energjia diellore e akumuluar.  

   Eshtë hera e parë në Shqipëri që po aplikohet në një madhesi të tillë përdorimi i energjisë diellore për ndriçim në një fshat turistik,  gjë qe e bën këtë kompleks një model pilot stimulues edhe për investimet e tjera të kësaj zone  .

Uji  për  larje ( dush  dhe lavaman ) derdhen në mënyrë të studiuar në natyre, për të ndihmuar vegjetacionin përreth, ndërsa ujrat e ËC-ve çohen në një gropë septike ekologjike , për herë të parë e aplikuar në këtë zonë . Pra ai është   tërësisht miqësor me mjedisin dhe do të ndihmojë zhvillimin e zonës nëpërmjet aplikimit të një turizmi të përgjegjshëm cilësor dhe të vecante në Shqipëri