TRE  ORE  MESIM  I  HAPUR  PER  EDUKIMIN  MJEDISOR

Shkodër , 16.10.2009

   Në  vazhdim  të  zbatimit  të  projektit  “ Shqipëria  ime  e  pastër  dhe  e  bukur “, në  orët  jashtëkurrikulare  u  zhvillua  një  eskursion  për  edukimin  mjedisor  me  nxënës  të  shkollave  të  Shodrës  , pjesëmarrëse  në  projekt . Kësaj  here  eskursioni  u  krye  në  pikën  e  grumbullimit  të  mbetjeve  urbane  të  qytetit  të  Shkodrës , praën  Varrezave  të  Dëshmorëve “ . Merrnin  pjesë  nxënës  të  shkollave  “ Ismail  Qemali “ , “ Ndre  Mjeda “ , “ Branko  Kadia “ , “ Skenderbeg “  dhe  “ Ndoc  Mazi “ . Nxënësit  shoqëroheshin  nga  zv/drejtorët  e  shkollave  dhe  mësues  të  ciklit  fillor .

   Qëllimi  i  kësaj  veprimtarie  ishte  që  nxënësit  të  shihnin  se  si  dhe  ku  hidhen  mbetjet  urbane  të  qytetit  dhe  cilat  ishin  mundësitë  që  mund  të  krijoheshin  për  riciklimin  e  mbetjeve  të  përshtëshme  për  këtë  proces . Fëmijët  ishin  në  dijeni  të  vepërimtarisë , ku  do  të  shkonin  dhe  për  çfarë  do  të  bëhej  fjalë .

   Përshtypja  e  parë  , me  të  arritur  në  destinacion  , ishte  se  nxënësit  mbetën  të  shokuar  nga  sasia  e  madhe  e  plehrave . Koordinatorja  e  projektit  “ Shqipëria  ime  e  pastër  dhe  e  bukur “ , znj. Dhurata  Bushati  , bëri  një  përmbledhje  të  qëllimit  të  vizitës  dhe  cilat  ishin  rrugët  dhe  mënyrat  e  pjesëmarrjes  së  të  gjithëve  , si  dhe  vetë  fëmijëve , për  veprimtaritë  që  duhet  të  parashikonin  dhe  të  kryenin  për  përmirësimin  e  mjedisit  në  qytet . Nxënësit , me  fjalët  e  tyre  dhe  me  posterat  përkatës  të  ngritura  lart , treguan  dëshirën  dhe  vendosmërinë  për  të  qënë  veprimtarë , por  dhe  nxitës  të  komunitetit  të  tyre , duke  filluar  që  nga  familja  e  shkolla  për  një  qytet  të  pastër  e  të  bukur .

   Pas  kësaj , veprimtaria  u  vazhdua  me  rrugëtimin  për  në  Bushat  ku  po  ndërtohet  një  fabrikë  e  madhe  riciklimi . Edhe  aty , znj. Dh. Bushati , u  bëri  fëmijëve  një  përshkrim  të  mënyrës  së  funksionimit  të  procesit  të  riciklimit , sipas  një  experience  të  bukur  të  parë  në  Norvegji . Nxënësit ,  që  më  parë , kishin  marrë  edhe  informacion  nga  interneti  për  riciklimin  dhe  , shumë  prej  tyre  donin  të  treginin  patjetër  se  kishin  marrë  njohuri  për  këtë  proces . Kjo  veprimtari  u  bë  shkak  që  mësuesit  të  zhvillonin  në  praktikë  tre  orë  të  hapura  , të  bukura  dhe  shumë  të  vlefshme  për  edukimin mjedisor .