NJE  WEBSITE  PER  PESTICIDET   

  
  Metoda e kontrollit kimik të dëmtuesve të bimëve bujqësore është një domosdoshmëri e keqe, por do te vazhdoje te ekzistojë krahas tentativave për minimizimin dhe zëvëndësimin e saj me kontrollin e integruar.

      Përdorimi i pesticideve në bujqësi përbën një nga investimet themelore në teknologjinë e kultivimit, kurse menaxhimi i integruar dhe kontrolli biologjik i parazitëve,  akoma nuk mund të përmbushin kërkesat e fermerit, dhe kosto e tyre është e lartë.

    Aspekti më shqetësues për pesticidet është akumulimi dhe përqëndrimi i tyre në zinxhirin ushqimor, duke u bërë një rrezik potencial për jetën e njerzve dhe të kafshëve.  Gjithashtu, një pjesë e tyre shplahet nga uji dhe transportohet nga ai në ujrat sipërfaqësore dhe dete.
  Duke u nisur nga mangësitë e mëdha qe kemi në fushën e pesticideve , nga ajo që këto substanca toksike shkojnë  tek përdoruesit dhe konsumatorët me shumë pak informacion në gjuhen tonë është marrë   nje nismë për të promovuar website-in  e parë në gjuhën shqipe për pesticidet dhe mbrojtjen e bimëve.

     Ky website i pesticideve në gjuhen shqipe është krijuar nën ombrellën e Universitetit Bujqesor të Tiranes, Fakultetit të Bujqësisë dhe Mjedisit, Departamenti i Mbrojtjes së Bimëve.

   Grupi i punës është ngritur në kuadrin e Grupit Kërkimor shkencor të Prof.Dr. Jordan Mërkurit dhe drejtohet nga Dr. Magdalena Cara, specialiste në fushen e Menaxhimit të Pesticideve.

   Qellimi i ketij website është krijimi i "Programit të Edukimit në Menaxhimin e Pesticideve – UBT", nëpërmjet një sinergjismi me specialistët e mbrojtjes së bimëve e më tej.

   Rubrikat e para që janë hapur janë pikërisht nje promocion i idesë e cila shumë shpejt do të pasurohet më tej.

 Website :  www.pesticide-al.com

    Personi i Kontaktit per webbsite: Magdalena Cara

                magdacara@gmail.com

Për më tepër  : Mobile: ++355692099264
               Mobile University ++355686061156
               Tel & Fax: ++ 355 52 237 876

Historikisht, që prej 2500 vjet para Krishtit, njerëzimi i ka përdorur pesticidet për të mbrojtur bimët. Pesticidi i parë që është njohur ka qënë squfuri elementar pluhur, i përdorur në Sumeria’ rreth  4,500 vite më parë. Nga shekulli i XV-të, kimikatet toksike të tilla si arseniku, mërkuri, dhe plumbi janë përdorur tek bimët për tu mbrojtur nga dëmtuesit. Në shekullin e XVII-të, sulfati i nikotinës, i cili është ekstraktuar nga gjethet e duhanit është përdorur si insekticid. Në shekullin e XIX-të, shihet që futen dy pesticide natyrale; pyrethium i përgatitur nga chrysanthemums, dhe rotenone e cila del nga rrënjët e disa perimeve tropikale.