ENERGJI  DIELLORE  PER  ÇERDHET  E  TIRANES

   Mungesa e ujit të ngrohtë dhe ngrohja e ambienteve të përbashkëta në kopshtet dhe çerdhet e Tiranës është marrë në shqyrtim për miratim në Keshilli Bashkiak në bazë të projektit "Energjia diellore - alternativë promjedisore dhe ekonomike". Ky projekt do të realizohet në bashkëpunim dhe me financimin e REC-Shqipëri dhe Qendres EDEN.Projekti synon të përmirësojë cilësinë e jetës së fëmijëve dhe edukatoreve të çerdheve nr. 1 dhe 8 në Tiranë, përmes promovimit të energjisë diellore si energji alternative dhe miqësore me mjedisin duke siguruar në to ngrohjen gjatë periudhës së dimrit dhe , po ashtu edhe ngrohjen e ujit sanitar përgjatë gjithë vitit. Ky projekt përfshin instalimin e sistemit ngrohës në dy çerdhet dhe të 66 paneleve diellore për ngrohjen e ujit sanitar.

Objektivat kryesore të këtij projekti janë të adoptohen panelet diellore si energji alternative për ngrohjen e ujit dhe mjediseve në çerdhet nr. 1 dhe 8 ; të reduktohet sasia e energjisë elektrike të përdorur me të paktën 10%  dhe të reduktohet lënda ngrohëse (naftë) me të paktën 35%.