VEPRIMTARI  EDUKUESE  MJEDISORE

  
  Në plazhin e Nartës ( Vlorë ) shoqata SEEP (Edukimi  Social dhe Mbrojtja e Mjedisit ) , me drejtues Simo Ribaj , në nismën e saj tëfundit ka mbjellë mbi pesëqint pemë . Kjo u krye duke  angazhuar të rinjtë  gjimnazistë për punë vullnetare në kuadrin e edukimit mjedisor të tyre.
  Veprimtaria u realizua në bashkëpunim me Komunën Qendër Vlorë dhe pikërisht në këtë zonë që ka një interes të lartë turistik si një plazh i madh dhe shumë i  frekuentuar nga pushuesit . Kësaj zone , ku infrastruktura rrugore dhe parkimi janë parapërgatitur i mungonte pikërisht gjelbërimi.

   Nxënësit mbollën mbi 300 rrënjë ligustra anës trotuarëve dhe mbi 200 pisha përreth parkimit . Bimët  ju dorëzuan Komunës për kujdesin e mëtejshëm të tyre .
   Në veprimtari morën pjesë mbi 100 persona, kryesisht gjimnazistë të "Ali Demit" në Vlorë por dhe banorë të komunës, punonjës dhe drejtues të  saj , përfaqësues nga Këshilli i Qarkut , , Dhoma e Tregëtisë Vlore ndërsa kontribuan edhe Agjensia "Mermes Lines" dhe  Transporti urban Nartë për transportin e aktivistëve ; fotostudio Axhushi me fotot e filmimet , Tv 6+1 Vlora që realizoi publikimet , kompania "Petrolifera" që mundësoi blerjen e bimëve, etj.